ముంబాయి వెళ్లడానికి విశాఖపట్టణం లో కోణార్క్ ఎక్స్ ప్రెస్
ఎక్కాను. సెకండ్ ఏసి కంపార్టుమెంటు లో ఒక జంట నా ఎదురుగా కూర్చున్నారు.
విశాఖపట్టణం అందాలను హుద్ హుద్ ఎలా మింగేసిందీ సంభాషణలు మా మధ్య నడుస్తున్నాయి.
చమటలు తుడుచుకుంటూ ఒక యువతి రైలు బండి ఎక్కింది. అప్సరస అని పుస్తకాలలో చదవడమే
అంతవరకు, ఇప్పుడు ప్రత్యక్ష్యం గా చూడడం. నేను హృతిక్ రోశన్ అంత అందగాడిని కాకపోయినా
అనాకారిని మాత్రం కాదు.
ఆమె అందాన్ని చూసి మైమరచి పోయేలోపే ఆమె నాదగ్గరకి వచ్చింది.
హలో సర్, are you single? అని అడిగింది. నలభై
అయిదు సంవత్సరాలు ఉన్న నాకు ఆ ప్రశ్న కొంచం ఆశ్చర్యాన్ని కలిగించినా ఒక్క క్షణం
అబద్ధం చెప్పేద్దామా అనిపించింది. నన్ను నేను తమాయించుకుని కాదండీ, ఇద్దరు పిల్లలు కూడా ఉన్నారు అన్నాను. అయ్యో అవునా bad luck అని జావ కారిపోయింది ఆమె. నీది కాదు నాది bad luck
అనుకున్నా మనసులో.
కూర్చుని చమట మొత్తం తుడుచుకుని తాపీగా చెప్పింది “మా వారు
పక్క కంపార్టు మెంటు లో ఉన్నారు మీరు single అయితే సీట్ మార్చుకుందామని అడిగాను”
ఇప్పుడు జావ కారడం నావంతయ్యింది.
పట్టు జారకుండా చాల బాగా వ్రాసారు.
ReplyDelete