ఒంటరిగా అనిపిస్తుంటే
ఆకాశంలో చుక్కలు లెక్కపెట్టు, చందమామ ని అందుకోవ చేయి
చాచిపెట్టు..........
తోచకపోతే
కాలవ గట్టున తొక్కుడుబిళ్ళ గుప్పిట పట్టు,
చెట్లు చేమ తో జత కట్టు...............
ఇల్లు ఎలాంటిదైనా
నవ్వుకోవడానికి చిన్న చోటు అట్టేపెట్టు,
నలుగురికి నవ్వులు పంచిపెట్టు............
వానలో తడవాల్సి వస్తే
ఆ చినుకులతో స్నేహం కట్టు, చిన్న చిన్న గుంతలలో
బురద భరతం పట్టు..............
నలుగురు మనుషులు కావాలంటే
నవ్వుతూ పలకరించి చూపెట్టు, కుదిరితే మంచి పనులలో
నీ చేయో కాలో పెట్టు...............
పని ఒత్తిడి ఎలా ఉన్నా
సూర్యుడు రాగానే కన్ను కొట్టు,
ఇంట్లోకి రమ్మని తలుపు తీసి పెట్టు...............
బుర్ర వేడెక్కితే
పక్షుల కిలకిల పై ధ్యాస పెట్టు,
చెవులకి చక్కని పాటని పెట్టు...............
తీరిక లేకున్నా
నీ మనసుతో ఊసులాడి పెట్టు, కడుపుకి మంచి తిండి
పెట్టు.............
ఆరోగ్యం కావాలంటే
పెరట్లో ఒక మొక్క పెట్టు, పచ్చదనం కోసం ఒక పట్టు
పట్టు.................
నువ్వు ప్రేమిస్తే
వాళ్ళ కోసం ఎలాగూ తంటాలు పడతావ్,
నిను ప్రేమించేవాళ్లమీద కూడా కాస్త దృష్టి పెట్టు...........
No comments:
Post a Comment